मकवानपुर– नेपाल कम्युनिष्ट पार्टी (नेकपा) भीमफेदी गाउँपालिका वडा नम्बर ५ र ६ को सपथग्रहण शनिबार सम्पन्न भएको छ । नेकपा भीमफेदी गाउँ कमिटि वडा नम्बर ६ का अध्यक्ष गोपाल शर्माको अध्यक्षतामा भएको कार्यक्रमका प्रमुख अतिथी नेकपा केन्द्रिय सदस्य तथा मकवानपुर जिल्ला सह–इन्चार्ज कुमारी मोक्तानले सपथ ग्रहण गराउनुभएको हो ।
सपथ ग्रहण कार्यक्रममा उहाँले नेकपाको तीनै तहको सरकारले जनताको मन जित्ने गरी काम गरिरहेको बताउँदै जनताको चाहाना बमोजिम काम गर्न पार्टीका तर्फबाट जनप्रतिनिधी बनेकालाई सुझाव दिनुभयो । कार्यक्रममा विशेष आतिथी नेकपा केन्द्रिय सदस्य तथा सह–इन्चार्ज रामेश्वर राना, पार्टी मकवानपुर अध्यक्ष मुनु सिग्देल, जिल्ला सचिवालय तथा कार्यालय सदस्य, प्रतिनिधीसभा इन्चार्ज एकालाल श्रेष्ठले पार्टीको समसायिक विषयमा जानकारी गराउनुभएको थियो ।
कार्यक्रममा नेकपाकी जिल्ला सदस्य तथा अनेमसंघ मकवानपुर जिल्ला अध्यक्ष एवम् भीमफेदी गाउँपालिका उपाध्यक्ष पार्वती राना, पार्टी जिल्ला सचिवालय सदस्य बद्रीबहादुर स्याङतान, रामचन्द्र बल, पन्चमाया स्याङतान, अप्सरा लोप्चन, पार्टी गाउँकमिटी अध्यक्ष सानु थापा, सचिव दीपक गोलेलगायतको आतिथ्यता रहेको थियो । पार्टी वडा सचिव आशिष अस्लामी मगरले कार्यक्रम संचालन गरेका थिए ।
