मकवानपुर– मकवानपुर प्रहरीले साँढे ५ किलो अवैध लागूऔषध गाँजासहित २ जनालाई पक्राउ गरेको छ । हेटौंडा उपमहानगरपालिका–१९ नेवारपानीबाट साँढे ५ किलो अवैध लागूऔषध गाँजासहित २ जनालाई पक्राउ गरेको हो ।
पक्राउ पर्नेहरुमा बारा निजगढ नगरपालिका–१२ बस्ने ३२ वर्षीय वीर बहादुर तितुङले र सोही ठाउँ बस्ने २७ वर्षीय राजकुमार तितुङ रहेका छन् । ईलाका प्रहरी कार्यालय नेवारपानीबाट खटिएको प्रहरीले मनहरीबाट हेटौंडातर्फ आउँदै गरेको बा.५७ प २३८३ नम्बरको मोटरसाइकललाई जाँच गर्ने क्रममा मोटरसाइकलमा सवार उनीहरुलाई उक्त परिमाणको लागूऔषधसहित पक्राउ गरीएको जिल्ला प्रहरी कार्यालय मकवानपुरले जनाएको छ । नियन्त्रण लिई उनीहरूमाथि थप अनुसन्धान भईरहेको जिल्ला प्रहरी मकवानपुरले जनाएको छ ।
