मकवानपुर । नेकपा (एमाले) मकवानपुरको १२औँ जिल्ला अधिवेशनअन्तर्गत नेतृत्व चयनका लागि भएको निर्वाचनको मतगणना सुरु भएको छ । आइतबार भएको निर्वाचनको मतगणना आज पौने १० बजे हेटौंडा–४ स्थित पशुपति मन्दिरको सभाहलमा सुरु भएको हो ।
सुरुमा पदाधिकारीको मतगणना थालिएको निर्वाचन समितिले जनाएको छ । नयाँ नेतृत्व चयनका लागि आइतबार ७६५ जना प्रतिनिधिले मतदान गरेका थिए । जिल्ला अध्यक्षका लागि श्रीधर पोखरेल, इन्द्रमान स्याङतान, लालबहादुर थापा र देवराज रिमाल प्रतिस्पर्धामा हुनुहुन्छ । अधिवेशनले पाँच पदाधिकारीसहित १ सय ५ सदस्सीय जिल्ला कमिटी निर्वाचित गर्नेछ ।
