मकवानपुर । हेटौंडामा ट्याक्टर दुर्घटनामा परि दुईजनाको मृत्यु भएको छ । हेटौँडा–१६, पानीस्वाँरामा आइतबार मधेश प्रदेश ०३–००१ त ६९८७ नम्बरको ट्याक्टर व्याक गर्ने क्रममा आफैं अनियन्त्रित भई दुर्घटना हुँदा दुईजनाको घटना स्थलमै मृत्यु भएको जिल्ला प्रहरी कार्यालय मकवानपुरले जनाएको छ ।
दुर्घटनामा परी ट्याक्टर चालक बारा जिल्लाको निजगढ नगरपालिका–१३ बस्ने २६ वर्षीय डिलम थिङ र ट्याक्टरमा सवार हेटौँडा–१६, पानीस्वाँराका ५६ वर्षीय जित बहादुर थिङको घट्नास्थलमा नै मृत्यु भएको प्रहरीले जानकारी दिएको छ । ट्याक्टर हेटौँडा–१६, पानीस्वारा भिरबाट करीब ३०० मिटर तल खसी दुर्घटना भएको प्रहरीले जनाएको छ ।
