मकवानपुर – मकवानपुरमा शुक्रबार थप १९६ जनामा कोरोना संक्रमण पुष्टि भएको छ । स्वास्थ्य कार्यालय मकवानपुरका अनुसार पीसीआर विधिबाट १७९ जनाको परीक्षण गर्दा १२३ जना र एन्टिजेन विधिबाट ११६ जनाको परीक्षण गर्दा ७३ जनामा संक्रमण पुष्टि भएको हो ।
आज थपिएका संक्रमितमध्ये १४१ जना हेटौंडा उपमहानगरपालिकाका रहेका छन् भने १६ जना थाहा नगरपालिकाका र १५ जना मनहरी गाउँपालिकाका रहेका छन् । यसैगरी मकवानपुरगढीका १२० जना, भीमफेदी र बकैयाका ५÷५ जना, इन्द्रसरोबरका २ जना, बागमती र राक्सिराङका १÷१ जना संक्रमित रहेको कार्यालयले जनाएको छ । योसँगै मकवानपुरमा सक्रिय संक्रमित १ हजार ४ सय ४७ जना पुगेको कार्यालयले जनाएको छ ।
