काठमाडौँ । आज देशभर ५ सय ४० जनामा कोरोना संक्रमण पुष्टि भएको स्वास्थ्य तथा जनसङ्ख्या मन्त्रालयले जनाएको छ । १२ हजार ९९ नमुनाको पिसिआर तथा एन्टीजेन परीक्षण गर्दा ५ सय ४० जनामा संक्रमण पुष्टि भएको हो ।
आज संक्रमित २ सय ७१ जना निको भएका छन् । तथ्याङ्क अनुसार हालसम्म ९७ दशमलव ९ प्रतिशत संक्रमित निको भइसकेका छन् । आज संक्रमित एकको मृत्यु भएको छ यो सँगै हालसम्म कोरोना सङ्क्रमणका कारण मृत्यु हुनेको सङ्ख्या ११ हजार ६ सय २ पुगेको स्वास्थ्य मन्त्रालयले जानकारी दिएको छ । आज १ लाख २० हजार ६ सय ५३ जनाले कोरोना विरुद्धको खोप लगाएको मन्त्रालयले जानकारी दिएको छ ।
