मकवानपुर– नेपाल पुँजी बजार लगानीकर्ता संघ, मकवानपुरले विभिन्न कार्यक्रम गरेर जेष्ठ नागरिक दिवश मनाएको छ । जेष्ठ नागरिक दिवस तथा विश्व वसोवास दिवसको अवसरमा संघले हेटौंडा–१५ स्थित दिव्य सेवा निकेतनमा आश्रीत जेष्ठ नागरिकलाई भोजन तथा जेष्ठ नागरिक विषयक वक्तित्वकला प्रतियोगिता आयोजना गरेको हो ।
दिवशका अवसरमा संघले दिव्य सेवा निकेतनका सम्पुण जेष्ठ नागरिकलाई एक छाकको भोजन गराएको हो । आश्रममा आश्रित २० भन्दा बढि जेष्ठ नागरिकलाई भोजन गराएको संघका मकवानपुर संयोजक प्रमेश प्रधानले जानकारी दिनुभएको छ । साथै उहाँले वडा दशै, तिहार र छट पर्वको अवसरमा शुभकामना समेत व्यक्त गर्नुभएको थियो । कार्यक्रममा दिव्य सेवा निकेतनका केन्द्रिय अध्यक्ष टि.आर. निरौला, शाखा अध्यक्ष चम्पु सिङ्ग वाईवा, केन्द्रिय संयोजक माहात्मा प्रविन वाईजि, केन्द्रिय सल्लाहकार केदार न्यौपाने, नेपाल पुँजी बजार लगानीकर्ता संघका सहसंयोजक कमला पाण्डे सहित सदस्यहरुको उपस्थिति रहेको थियो । जेष्ठ नागरिक दिवसको उपलक्ष्यमा दिव्य सेवा निकेतनद्धारा उक्त अवसरमा जेष्ठ नागरिक विषयमा विद्यार्थि भाई वहिनीहरुको वक्तृत्वकला प्रतियोगिता समेत आयोजना गरेको संयोजक प्रधानले जानकारी दिनुभएको छ ।
