हप्ताको पहिलो दिन आज सुनको मुल्य १५ सय रुपैयाँले घटेको छ । अस्ति शुक्रवार तोलामा ९१ हजार पाँच सय रुपैयाँमा कारोबार भएको सुनको मुल्य आज १५ सय रुपैयाँले घटेर ९० हजार रुपैयाँमा झरेको नेपाल सुनचाँदी व्यवसायी महासङ्घले जनाएको छ । अस्ति पनि सुनको मुल्य तोलामा ५ सय रुपैयाँले घटेको थियो । महासङ्घका अनुसार अहिले अन्तर्राष्ट्रिय बजारमा सुनमा भन्दा शेयर बजारमा आकर्षण बढ्दो छ । सुनमा लगानी घट्दा मुल्य पनि घट्न पुगेको विश्लेषण गरिएको छ । यस्तै, आज चाँदीको मुल्य पनि घटेको छ । चाँदी आज तोलाको १२ सय ४० रुपैयाँ छ । अस्ति चाँदी तोलामा १२ सय ६५ रुपैयाँ थियो।
