मकवानपुर– सामुदायिक सेवा केन्द्र मकवानपुर र सामुदायिक प्रहरी सेवा केन्द्र पशुपतिनगरले ईलाका प्रहरी कार्यालय पशुपतिनगरका प्रहरी निरिक्षक देवराज काफ्लेलाई विदाई गरेको छ । सरुवा भएर चितवन जान लाग्नु भएका प्रहरी निरिक्षक काफ्लेलाई आज एक कार्यक्रमको आयोजना गरेर आगामी कार्यकालको शुभकामनासहित विदाई गरिएको हो ।
सामुदायिक सेवा केन्द्र मकवानपुरका अध्यक्ष राम बिष्टको सभाध्यक्षमा केन्द्रको कार्यालय पशुपतिनगरमा आयोजित कार्यक्रममा मायाको चिनोसहित आगामी कार्यकालको शुभकामना व्यक्त गरिएको थिायो । सो अवसरमा केन्द्रका अध्यक्ष बिष्टले पशुपति नगरमा रहँदा सामुदायिक प्रहरी केन्द्रलाई पु¥याउनुभएको सहयोगका लागि धन्यवाद व्यक्त गर्नुभयो । विदाई कार्यक्रममा प्रहरी निरिक्षककाफ्लेले पशुपतिनगर बसाई सुखद रहेको बताउनुभयो । उहाँले आफु जहाँ रहे पनि सामुदायिक सेवा केन्द्र मकवापुर सधैँ सम्झने र सहयोग रहने प्रतिबद्धता समेत व्यक्त गर्नुभएको थियो ।
कार्यक्रममा केन्द्रका निवर्तमान अध्यक्ष कुमार पौडेल, संस्थापक सचिव श्याम खतिवडा, वर्तमान सचिव रमिला सापकोटा, महेश्वरमान श्रेष्ठ, राम प्रसाद कोइराला, कपिल अर्याल, अच्युत मिश्र, केशव न्यौपाने, हेटौडा–८ को चौअन्न घरे आमा समुह लगाएतको उपस्थिति रहेको थियो ।
