अखिल नेपाल फुटबल सङ्घ (एन्फा) ले शहीद स्मारक बी डिभिजन लिग फुटबल सञ्चालन गर्नको लागि तयारी थालेको छ । आउँदो फागुन ११ गतेदेखि लिग सञ्चालन गर्नको लागि तयारी थालेको हाे । कोरोना भाइरस महामारीको कारण गएको वर्षदेखि रोकिएको लिग फागुन ११ गतेदेखि सुरु गर्न एन्फाले बुधबार (आज) क्लबका पदाधिकारीसँग छलफल गरेको छ । छलफलमा सहभागी क्लबका पदाधिकारीले प्रतियोगिता खेल्न तयार रहेको जानकारी दिएका छन् । एन्फाका अध्यक्ष कर्माछिरिङ शेर्पाले फिफा र एएफसीको मापदण्ड पालना गरेर बी डिभिजन लिगका खेल सुरु गरिने जानकारी गराउनुभएको छ ।
