हेटाैंडा–बागमती प्रदेशको राजधानी हेटौंडामा हुने भनिएको स्थानीय तह तेस्रो संस्करणको मकवानपुर गोल्डकप–२०७६ अनिश्चित समयको लागि स्थगित भएको छ । आयोजक मकवानपुर जिल्ला फुटबल संघले आज एक सूचना जारी गर्दे विश्वभर महामारीको रुपमा फैलिएको कोरोना भाईरसलाई मध्यनजर गर्दै अनिश्चित समयको लागी प्रतियाेगिता स्थगित गरेको हो । अखिल नेपाल फुटबल संघ (एन्फा)को वार्षिक क्यालेण्डर अनुसार मकवानपुर गोल्डकप फागुन २९ गतेदेखि चैत्त ८ गतेसम्म गर्नुपर्ने थियो । विश्वभर महामारीको रुपमा फैलिएको कोरोना भाईरसलाई मध्येनजर गर्दै नेपाल सरकार, राष्ट्रिय खेलकुद परिषद, अखिल नेपाल फुटबल संघले खेल गतिविधि बन्द गर्ने निर्णय गरेपछि गाेल्डकप स्थगन भएकाे हाे । प्रतियोगिता अर्को सूचना नआएसम्मको लागि स्थगित गरिएको संघका अध्यक्ष टिका लामाले जानकारी दिनुभयाे ।
