मकवानपुर – मकवानपुर प्रहरीले हेटौंडाबाट बिहीबार लागुऔषधसहित एक जनालाई पक्राउ गरेको छ । प्रहरी चौकी रातोमाटेबाट खटिएको प्रहरी टोलीले हेटौडा–१५ रातोमाटे चेक प्वाईन्ट स्थित पूर्वपश्चिम राजमार्गबाट लागु औषधसहित एक जनालाई पक्राउ गरेको हो ।
उक्त सडक खण्डमा सुरक्षाजाँच गर्ने क्रममा बिरगंजबाट हेटौडा तर्फ आउँदै गरेको ना ५ ख १७५८ नम्बरको यात्रुबाहक बसमा सवार हेटौंडा–११ बस्ने बर्ष २४ क सुमन लामा लागु औषधसहित नियन्त्तणमा लिईएको जिल्ला प्रहरी कार्यालय मकवानपुरले जनाएको छ । लामाको शरीर खानतलासी गर्दा उनको साथबाट लागूऔषध डाईजेपाम २० एम्पुल, फेनारगन २० एम्पुल र नुफिन २० एम्पुल ६० एम्पुल फेला परेको प्रहरीले जनाउको छ । लागूऔषध सहित पक्राउ परेका लामालाई नियन्त्रणमा लिई थप अनुसन्धान भईरहेको प्रहरीले जनाएको छ ।
