हेटौंडा – अघिल्लो बर्ष खुल्ला छनोट मार्फत नेपाल रग्बी नेसनल टिममा परेर पनि राष्ट्रिय तथा अन्तराष्ट्रिय खेलमा डेब्यु गर्न नपाएका मकवानपुरका विक्रम भारतीले यो वर्ष डेब्यु गर्दैछन् । मकवानपुरको हेटौडा–०९ का भारतिले बाङ्लादेशमा जारी बगबन्धु बाङ्लादेश नेपाल इन्टरनेसनल रग्बी सिरिजको दोस्रो दिन आज १५ए साईड अन्तराष्ट्रिय रग्बिमा डेब्यु खेल खेल्न लागेका हुन् ।
बाङ्लादेशमा जारी रग्बी सिरिजको सेभेन्स तर्फको दुई खेलमा पराजित हुन पुगेको छ । तरपनी आज नेपालकै पहिलो अन्तराष्ट्रिय १५ए साईड प्रतियोगितामा जित निकल्नको लागि अन्तिमसम्म लड्ने कप्तान कृष्ण क्षेत्रीले बताए । यता आफ्नो पहिलो डेब्यु खेल खेल्नकालागी आफू एक्दमै उत्सुक रहेको र जितकालागी टिमसग मिलेर बिजयी लक्ष्य प्राप्त गर्न आफ्नो शतप्रतिशत भुमीका खेल्ने भारतीले जनाए ।
