मकवानपुर – मकवानपुर प्रहरीले ५३८ ट्याबलेट लागु औषध नाईट्राभेट सहित शनिबार दुई जना पक्राउ गरेको छ । ईलाका प्रहरी कार्यालय भिमफेदीबाट खटिएको प्रहरी टोलीले भिमफेदी–६ स्थित सडकमा सुरक्षा जाँच गर्ने क्रममा सुमोमा सवार २ जनालाई लागुऔषधसहित नियन्त्रणमा लिएको हो ।
बिरगंजबाट काठमाण्डौ जाँदै गरेको ना १ ज ३५५३ नम्बरको यात्रुबाहक सुमोलाई रोकी सुरक्षाजाँच गर्ने क्रममा सुमोमा सवार तनहु जिल्ला देबघाट गाउँपालिका–४ बस्ने बर्ष २१ का सरोज भुजेल र काभ्रेपलाञ्चोक जिल्ला धुलीखेल नगरपालिका–९ बस्ने बर्ष २३ का जंग बहादुर तामाङलाई ५३८ ट्याबलेट लागु औषध नाईट्राभेटसहित नियन्त्रणमा लिईएको प्रहरीले जानाएको छ । उनिहरु दुवै जना बिरुद्ध थप अनुसन्धान भईरहेको प्रहरीले जनाएको छ ।
