मकवानपुर- पुर्व पश्चिम राजमार्ग अन्तर्गत हेटौंडा १५ रातोमाटे लच्कामा सोमबार साँझ ट्रक र मोटरसाइकल ठक्कर खाँदा १ जनाको घटनास्थलमै मृत्यु भएको छ भने एक जना गम्भीर घाइते भएका छन् ।
हेटौंडाबाट बारातर्फ जाँदै गरेको ना ३८ प ६४० नम्बरको मोटरसाइकल र विपरित दिशाबाट आउदै गरेको ना ६ ख ७३१७ नम्बरको ट्रक एक आपसमा ठक्कर खाँदा मोटरसाइकल चालक हेटौंडा १५ रातोमाटे बस्ने अन्दाजी ३५ बर्षीय औतार स्यानताङको घटनास्थलमै मुत्यु भएको जिल्ला प्रहरी कार्यालय मकवानपुरले जनाएको छ ।
यसैगरी गरि दुर्घटनामा परी गम्भिर घाइते हुनेमा मोटरसाइकलमा सवार जितपुर सिमरा उपमहानगरपालिका २२ तिन नम्बर पुल बस्ने ३२ बर्षीय मनिष लामा रहेको प्रहरीले जनाएको छ । घाइते लामाको चुरेहिल अस्पतालमा उपचार भइरहेको र ट्रक र ट्रक चालक प्रहरी नियन्त्रणमा रहेको मकवानपुरका प्रहरी उपरीक्षक मुकेश कुमार सिंहले जानकारी दिनुभएको छ ।
