हेटौंडा – हेटौंडा उपमहानगरपालिका वडा नम्बर–९ स्थित श्रीकृष्ण आदर्श इङलिस बोडिङ स्कुलले मंगलबार देउसी भैलो कार्यक्रम आयोजना गरेको छ । बालबालकाको प्रतिभा प्रस्फटन तथा संस्कृतिको संरक्षण गर्ने उदेश्यका साथ कार्यक्रम आयोजना गरिएको हो । कार्यक्रममा बिद्यालयमा अध्ययनरत बिद्यार्थीहरुले देउसी भैलोसंगै बिभीन्न सांस्कृतिक प्रस्तुति प्रस्तुत गरेका थिए ।
बिद्यालयका सञ्चालक तथा प्रिन्सीपल नविन केसीको अध्यक्षतामा भएको कार्यक्रममा ९ नम्बर वडाअध्यक्ष लक्ष्मण प्रसाद भण्डारीको प्रमुख आतिथ्यता थियो । कार्यक्रममा प्रमुख अतिथि भण्डारीले देउसी भैलो कार्यक्रमले चार्डपर्बको महत्व झल्काउने वताउनुभयो । उहाँले विद्यालयले संस्कृतिको संरक्षणका लागि कार्यक्रम आयोजना गरेकोमा धन्यवाद दिनुभयो ।
कार्यक्रममा प्याप्सनका केन्द्रीय सदस्य मदन कुमार दाहाल, प्याप्सन मकवानपुरका कोषाध्यक्ष लक्ष्मी श्रेष्ठ, सामुदायिक प्रहरी सेवा केन्द्रका अध्यक्ष राम विष्ठ, उपभोक्ता मन्च बागमती प्रदेशका अध्यक्ष बासुप्रसाद खतिवडा लगायतकाको आतिथ्यता रहेको थियो ।
