काठमाडौँ । राष्ट्रपति विद्यादेवी भण्डारी समक्ष राष्ट्रिय समावेशी आयोग, राष्ट्रिय महिला आयोग र थारु आयोगको वार्षिक प्रतिवेदन पेश भएको छ ।
राष्ट्रपति कार्यालय शीतल निवासमा आयोजित विशेष समारोहका बीच राष्ट्रपति विद्यादेवी भण्डारी समक्ष राष्ट्रिय समावेशी आयोगका अध्यक्ष डा.रामकृष्ण तिमल्सेना, राष्ट्रिय महिला आयोगका अध्यक्ष कमला पराजुली र थारु आयोगका अध्यक्ष विष्णुप्रसाद चौधरीले आ–आफ्नो आयोगको वार्षिक प्रतिवेदन पेश गर्नुभयो ।
तीन वटै आयोगका आर्थिक वर्ष २०७७/७८ को वार्षिक प्रतिवेदन पेश गरिएको विशेष समारोहमा राष्ट्रपति कार्यालयका उच्च पदस्थ अधिकारीहरू सहित आयोगका सदस्य एवं पदाधिकारीहरूको उपस्थिति रहेको थियो ।
