हेटौंडा– सामुदायिक सेवा केन्द्र मकवानपुरले जिल्ला प्रहरी कार्यालय मकवानपुरका प्रहरी उपरिक्षक सुशील सिंह राठौंरलाई बिदाइ गरेको छ । सरुवा भएर जान लाग्नु भएका प्रहरी उपरिक्षक राठौरलाई जिल्ला प्रहरी कार्यालय मकवानपुर परिसरमा आज एक कार्यक्रमका बिच विदाई गरिएको हो ।
सामुदायिक सेवा केन्द्रका अध्यक्ष राम बिष्टको सभाध्यक्षता भएको कार्यक्रममा सम्पूर्ण कार्यसमितिले ढाका टोपी लगाएर आगामी कार्यकालको सफलताको शुभकामना सहित सम्मान तथा बिदाई गरिएको थियो । बिदाई कार्यक्रमलाई प्रहरी उपरिक्षक राठौंरले मकवानपुर बसाईमा लागु औषध न्युनिकरणमा उल्लेखनीय उपलब्धि हासिल गरेको र सामुदायिक सेवा केन्द्र मकवानपुरको सक्रियताको प्रसंशा समेत गर्नुभएको थियो । उहाँले आफु जहाँ रहे पनि सामुदायिक सेवा केन्द्र मकवानपुर र समग्र मकवानपुर बासीको साथ र सहयोगलाइ सधै आत्मसाथ गर्ने प्रतिबद्धता व्यक्त गर्नुभयो । अपराध नियंत्रण गर्न प्रहरीले मात्र संभव नहुने भएकोले समुदायको साथ र सहयोग अपरिहार्य रहेको उहाँको भनाई थियो । कार्यक्रममा सामुदायिक सेवा केन्द्रका उपाध्यक्ष विनोद लामिछाने, सचिव रमिला सापकोटा, कोषाध्यक्ष राम प्रसाद कोइराला, सदस्य कपिल अर्याल, सिताराम पौडेल, नबराज कोइराला लगाएतको उपस्थिति थियो ।
