हेटाैंडा– नेपालमा कोरोना सङ्क्रमितकाे संख्या एक सय नाघेकाे छ । बिहीबार कपिलवस्तुमा थप दुई २ जनामा कोरोना सङ्क्रमितको पुष्टि भएसंगै संख्या एकसय नाघेकाे हाे । राष्ट्रिय जनस्वास्थ्य प्रयोगशाला टेकुमा गरिएको परीक्षणमा १६ र २२ वर्षका पुरुषमा कोरोना भाइरस सङ्क्रमण भेटिएको स्वास्थ्य तथा जनसंख्या मन्त्रालयले जनाएको छ । योसँगै नेपालमा हालसम्म कोरोना सङ्क्रमित पुष्टि हुनेको संख्या १ सय १ पुगेको छ भने २२ जना निकाे भएर घर फर्किएका छन् ।
