मकवानपुर– मकवानपुर प्रहरीले तेल बोक्ने ट्यांकरमा लुकाइ ल्याएको लागु औषध सहित २ जनालाई पक्राउ गरेको छ । इलाका प्रहरी कार्यालय पशुपतिनगरका प्रहरी निरीक्षक अरुण कुमार कुशवाहाको कमाण्डमा खटिएको टोलिले तेल बोक्ने ट्यांकरमा लुकाइ ल्याएको लागु औषध सहित २ जनालाई पक्राउ गरेको हो ।
पुर्व– पश्चिम राजमार्ग अन्तरगत हेटौंडा–१५ रातोमाटे स्थित सुरक्षा जाँच गर्ने क्रममा तेल निकाल्ने ट्यांकरको लकिङ्ग बक्समा लुकाएको अवस्थामा एक सय ५५ बोतल लागु औषध विनसिरेक्स बरामद गरिएको प्रहरीले जानकारी दिएको छ । पक्राउ पर्नेमा ट्याङ्कर चालक मकवानपुर थाहा नगरपालिका–४ घर भइ हेटौंडा–४ मा डेरा गरि बस्ने ३३ बर्षीय मान बहादुर थोकर र उक्त लागु औषध ओसार पसारमा संलग्न हेटौंडा ४ का ४५ बर्षीय सेते लामा रहेको प्रहरीले जनाएको छ । भारतको रक्सौलबाट तेल बोकेर काठमाडौं जादै गरेको ना ३ ख ६४६६ नम्बरको टयाङ्करबाट लागु औषध बरामद भएको इलाका प्रहरी कार्यालय पशुपतिनगरका प्रहरी निरीक्षक कुशवाहाले जानकारी दिनुभयो । पक्राउ परेका उनिहरु बिरुद्ध लागु औषध नियन्त्रण ऐन अन्तर्गत अनुसन्धान प्रक्रिया अगाडि बढाइएको जिल्ला प्रहरी कार्यालय मकवानपुरले जनाएको छ ।
