हेटाैंडा– नेपालमा कोरोना भाइरस (काेभिड–१९) बाट संक्रमितको संख्या ५२ पुगेको छ । आइतबार मात्रै ३ जनामा कोरोना देखिएको स्वास्थ्य तथा जनसंख्या मन्त्रालयले जनाएको छ ।
वीरगञ्जमा २ जना र झापामा १ जना गरि ३ जनामा कोरोना भाइरस संक्रमण देखिएको मन्त्रालयले जनाएकाे छ । झापाका एक ५० वर्षीय पुरुषमा संक्रमण देखिएको हो । यस अघि आजै दिउँसो वीरगञ्ज महानगरपालिका वडा ३ र १६ का दुई पुरुषमा कोरोना संक्रमण पुष्टि भएको थियो । यो संगै नेपालमा ५२ जनामा कोरोना भाइरस संक्रमित संख्या पुगेको छ । कोरोना संक्रमणबाट निको भएर घर फर्किनेको संख्या १६ पुगेको छ । उनीहरुको उपचार पश्चात निको भइ डिस्चार्ज भएको मन्त्रालयले जनाएको छ ।
