मकवानपुर– हेटौंडा उपमहानगरपालिका–१५ चुरियामाईमा बिहीबार मोटरसाईकल दुर्घटना हुँदा एक जनाको मृत्यु भएको छ । दुर्घटनामा अन्य ३ जना घाईते भएका छन् । पूर्वपश्चिम राजमार्ग स्थित चुरियामाईमा पथलैयाबाट हेटौैंडातर्फ आउँदै गरेको ना ४३ प १५१७ नम्बरको मोटरसाइकल र ना ४६ प २८११ नम्बरको मोटरसाईकल एकआपसमा ठोक्किएर दुर्घटना भएको हो ।
दुर्घटनामा परी ना ४३ प १५१७ नम्बरको मोटरसाइकल चालक बीरगञ्ज महानगरपालिका–२३ बस्ने ३० वर्षीय अफताव आलम पुनसारीको ज्यान गएको छ । दुर्घटनाबाट गम्भिर घाइते आलमको हेटौंडाको चुरेहिल अस्पतालमा उपचारको क्रममा मृत्यु भएको जिल्ला प्रहरी कार्यालय मकवानपुरले जानकारी दिएको छ । दुर्घटनामा मृतक आलमको श्रीमती २८ वर्षीया यमामुन पुनसारी, ना ४६ प २८११ नम्बरको मोटरसाइकल चालक ४५ वर्षीय अबर मैनाली र सोही मोटरसाइकलमा सवार रमेश उप्रेती घाइते भएका छन् । घाइते पुनसारीको चुरेहिल अस्पतालमा तथा मैनाली र उप्रेतीको हेटौंडा अस्पतालमा उपचार भइरहेको प्रहरीले जनाएको छ ।
