मकवानपुर,२६ पुस । नेपाल कृषि सहकारी केन्द्रिय संघ लिमिटेडको अध्यक्षमा मकवानपुरका एकराज उप्रेती निर्वाचित हुनु भएको छ । काठमान्डौंमा सम्पन्न संघको १८औं बार्षिक साधारणसभा तथा ५औँ अधिवेशनबाट उप्रेतीको नेतृत्वमा १५ सदस्य नयाँ कार्यसमिति चयन भएको हो ।
नयाँ कार्यसमितिको उपाध्यक्षमा पूर्ण शर्मा महिला उपाध्यक्षमा मीना कुमारी ढकाल र सचिवमा चिरन्जिवी केसी निर्वाचित हुनु भएको छ । यस अघि १५ सदस्य सञ्चालक समितिका लागि ७ प्रदेशबाट एक–एक जना निर्वाचित हुने व्यवस्थाअनुसार बागमतीबाट एकराज उप्रेती, गण्डकीबाट कृष्ण वावु श्रेष्ठ, लुम्बिनीबाट पूर्ण शर्मा र सुदूरपश्चिमबाट धर्म कुँवर निर्विरोध निर्वाचित हुनुभएको थियो । यसैगरी प्रदेशको प्रतिनिधित्व अन्तर्गत कोशी, मधेस र कर्णालीमा निर्वाचन भएको थियो । कोशीबाट इन्दिरा निरौला ४५ मत सहित विजयी हुँदा उहाँका प्रतिद्धन्दी खगेन्द्रराज भण्डारीले ४१ मत प्राप्त गर्नुभयो । यसैगरी मधेस प्रदेशमा मिश्रलाल सहनी ५६ मत सहित हुँदा राम सोभित यादवले २०, दिपेन्द्र कुमार यादवले १२, राम चन्द्र यादवले ५ र शम्भु नाथ यादवले ३ मत प्राप्त गर्नुभएको थियो । यसैगरी कर्णाली प्रदेशमा २८ मतका साथ धर्मराज थापा निर्वाचित भहुँदा प्रतिद्धन्दी चाँदनी ढकालले २६ मत प्राप्त गर्नुभयो ।
यसैगरी खुल्ला सञ्चालकमा चिरञ्जीवी केसी ३७७, सुखदेव न्यौपाने ३६२, हरी बहादुर बस्नेत ३३५, हरी बहादुर अधिकारी ३२५ मत प्राप्त गरि विजयी हुनुभयो । अन्य उम्मेद्धवार सुमन नेपाल २२१ र नारायण प्रसाद खनालले २४१ मत प्राप्त गर्नुभयो ।
यसैगरी महिला सञ्चालकमा गीता केसी ४१५, मीना कुमारी ढकाल ४०१, देवकी कुमारी भण्डारी ३२३ र गोमा देवी आचार्य २५७ मत प्राप्त गरी विजयी हुनुभयो । उहाँहरुका प्रतिष्पर्धि झुपा पाण्डेले २१३, नयन कला खड्काले १२० र कमला कुमारी रिमालले १५६ मत प्राप्त गर्नुभयो ।
४ वर्षे कार्याकालका लागि निर्वाचित १५ जना सञ्चालकलाई प्रमुख निर्वाचन अधिकृत वरिष्ठ अधिवक्ता पोषणराज लामिछानेले पद तथा गोपनियताको शपथग्रहण गराउनु भएको छ । केन्द्रीय संघको सञ्जालमा अहिले १ हजार १ सय ५१ सदस्य संस्था रहेका छन् । संघले ७७ जिल्लामा आफ्नो कार्य क्षेत्र विस्तार गरी ९ लाख घरपरिवारका सदस्य किसानहरुलाई सेवा प्रवाह गर्दै आएको छ ।
