हेटाैंडा– हेटौंडा उपमहानगरपालिका वडा नं. ९ मा गठन भएको वडा स्तरिय युवा क्लबलाई सोही वडाको टोल विकास संस्थाले स्वागत तथा सम्मान गरेको छ । ओम टोल विकास संस्थाले शनिबार औपचारिक कार्यक्रमको आयोजना गरि नवगठित युवा क्लबको कार्यसमितिलाई खादा लगाएर स्वागत र सम्मान गरेको हो । राष्ट्रिय युवा परिषद् अन्तर्गत जिल्ला युवा समिती मकवानपुरले वडा कार्यालय संरक्षक रहने गरि गठन गरेको युवा क्लबलाई अगामी दिनमा युवाको क्षेत्रमा सकृय भएर लाग्न टोल विकास संस्थाका अध्यक्ष एका बहादुर डंगोलले आग्रह गर्नु भएको छ । युवा क्लबले गर्ने कार्यहरुमा आफ्नो टोल विकास संस्थाले हातेमालो गर्दै क्लबलाई साथ, सहयोग र हौसला प्रदान गर्ने उहाँले प्रतिबद्धता जनाउनु भएको छ । यस्तै क्लबका अध्यक्ष सुदिन पौडेलले वडाका सम्पुर्ण २४ वटै टोल बिकास संस्थाहरुले साथ र सहयोग प्रदान गरेमा युवाको क्षेत्रमा काम गर्न सहज हुने बताएका छन् । टोल विकास संस्थाका अध्यक्ष डंगोलको सभाध्यक्षतामा भएको कार्यक्रममा टोल विकास संस्थाका पदाधिकारी तथा वडा युवा क्लबका पदाधिकारीको उपस्थिती रहेको थियो ।
