आईसीसी टी–२० विश्वकप खेल्न अमेरिका पुगेको नेपाली क्रिकेट टोलीले आज क्यानडासँग पहिलो वार्मअप खेल खेल्दैछ । नेपाल र क्यानडाबीचको खेल आज राति सवा नौ बजे अमेरिकाको डलासमा हुनेछ । क्यानडासँग खेल्नुअघि नेपालले अमेरिकाको स्थानीय क्लब ह्युस्टन हरिकेन्ससँग दुई अभ्यास खेल खेलेको थियो ।
नेपालले यो अभ्यास खेलमा दुवै खेल जितेको थियो । अहिलेसम्म नेपाल र क्यानडाले एक टी–२० आईमा एकअर्काको सामना गरेका छन् । जसमा नेपाल विजयी भएको छ । यी दुई टिमले पहिलोपटक २१ फेब्रुअरी २०२२ मा टी–२० आई खेलेका थिए, जसमा नेपाल ८ विकेटले विजयी भएको थियो ।
