मकवानपुर । हेटौँडामा मोटरसाइकल दुर्घटना हुँदा एक जनाको मृत्यु भएकाे छ । अन्य दुई जना घाइते भएका छन । हेटौँडा उपमहानगरपालिका वडा नम्बर–११, राप्ती पुल पारि थानाभर्याङमा ना ६५ प ७०५५ नम्बरको मोटरसाइकल दुर्घटना हुँदा हेटाैँडा–४ कमलडाँडाका २२ वर्षका महेन थापा मगरको मृत्यु भएकाे हाे ।
मोटरसाइकल दुर्घटनामा घाइते भएका तीन जनामध्ये मगरको हेटाैँडा अस्पतालमा उपचारका क्रममा गएराति मृत्यु गएको जिल्ला प्रहरी कार्यालय मकवानपुरका प्रहरी नायब उपरिक्षक लक्ष्मी भण्डारीले जानकारी दिनुभयो । मोटरसाइकल थापाले नै चलाएका थिए । मोटरसाइकलको पछाडि बसेका हेटाैँडा–२ सङ्गमचोककी १८ वर्षीया बेबिशा खड्गीको अवस्था गम्भीर रहेको छ । खड्गीलाई थप उपचारका लागि भरतपुर रेफर गरिएको छ । यस्तै, हेटाैँडा–५ गर्दोइ बस्ने १९ वर्षीया विनिता थापाको हेटौँडा अस्पतालमै उपचार भइरहेको प्रहरीले जनाएको छ ।
