एसीसी मेन्स प्रिमियर कपमा मलेसियाले कतारलाई हराएकाे छ । आज मङ्गलवार भएकाे खेलमा मलेसियाले कतारलाई ३ विकेटले हरायाे ।
कतारले दिएकाे २ सय १६ रनकाे लक्ष्य मलेसियाले ३४ ओभर १ बलमा ७ विकेट गुमाएर भेटायाे । मलेसियाका सइद अजिजले सर्वाधिक ८० रन बनाए । यस्तै कप्तान अहमद फैजले ३३ रन बनाए । कतारका माेहम्मद नदीम र इक्रामुल्लाह खानले २/२ विकेट लिए ।
यसअघि मुलपानी क्रिकेट मैदानमा टस हारेर ब्याटिङ गरेकाे कतारले निर्धारित ३५ ओभरमा ८ विकेट गुमाएर २ सय १५ रन बनायाे । इमाल लियानगेले ५६, खुर्रम शहजादले ४१ र इक्रामुल्लाह खानले ३९ रन बनाए । मलेसियाका रिजवाद हैदर र मुहम्मद वकिफले २/२ विकेट लिए ।
याे जितसँगै समूह ‘ए’ मा रहेकाे मलेसिया ४ खेलमा ४ अङ्कसहित तालिकाकाे दाेस्राे स्थानमा छ । कतार ३ खेलमा अङ्कविहीन हुँदै पुछारमा छ ।
