मकवानपुर । राष्ट्रपति विद्यादेवी भण्डारी यहि फागुन ९ गते हेटौंडा आउनुहुने भएको छ । मदन भण्डारी स्वास्थ्य विज्ञान प्रतिष्ठानद्धारा सञ्चालित हेटौंडा अस्पतालको नवनिर्मित भवन उद्घाटन्का लागि राष्ट्रपति भण्डारी हेटौंडा आउन लाग्नु भएको हो ।
मदन भण्डारी स्वास्थ्य बिज्ञान प्रतिष्ठानले आज पत्रकार सम्मेलनको आयोजना गर्दै आगामी फागुन ९ गते राष्ट्रपति भण्डारीद्धारा नवनिर्मित भवनको उद्घाटन हुने कार्यक्रम तय भएको जानकारी दिएको हो । कुल ४३ करोड रुपैयाँ लागतमा अस्पतालको नया भवन निर्माण भएको छ । भवन उद्घाटन्का लागि राष्ट्रपति भण्डारी फागुन ९ गते पौने १२ बजे हेटौंडा आइपुग्ने समय तय भएको हेटौंडा अस्पताल व्यावस्थापन समितिका अध्यक्ष एवम् मदन भण्डारी स्वास्थ्य विज्ञान प्रतिष्ठानका रजिष्टार राजेश प्रसाईले वताउनुभयो ।
पत्रकार सम्मेलनमा प्रतिष्ठानका रजिष्टार प्रसाईले राष्ट्रपति भण्डारी आउने कार्यक्रमको तयारी तिब्र पारिएको जानकारी दिनुभयो । प्रतिष्ठानका उपकुलपति बिश्वराज जेशीको अध्यक्षतामा भएको पत्रकार सम्मेलनमा प्रतिष्ठानका सदस्य उत्सब चौलागाईले सबैखालका तयारी अन्तिम चरणमा पुगेको र कार्यक्रम भव्य रुपमा सम्पन्न गरिने वताउनुभयो ।
