हेटौंडा । चलचित्र पत्रकार संघ मकवानपुरको अध्यक्षमा कपिल खड्का सर्वसम्वत चयन भएका छन् । सोमबार हेटौंडामा सम्पन्न १३ औं वार्षिक साधारणसभाबाट खड्काको नेतृत्वमा नयाँ कार्यसमिति निर्माण भएको छ ।
संघको उपाध्यक्षमा श्रीराम अर्जुन, सचिवमा रविन्द्र गौतम र कोषाध्यक्षमा मनोज देवकोटा, सहसचिवमा दिपेश दाहाल, सदस्यमा मञ्जु मैनाली, सन्नु रिजाल, प्रवेश धिताल चयन चयन भएका छन् । बागमती प्रदेश सरकारका भौतिक पूर्वाधार विकास राज्य मन्त्री सन्तबहादुर प्रजाको प्रमुख आतिथ्यता तथा संघको केन्द्रीय समितिका संगठन उपाध्यक्ष कुवेर डंगोलको विशेष आतिथ्यता रहेको थियो । कार्यक्रममा संघका कोषाध्यक्ष मनोज देवकोटा र सचिव श्रीराम अर्जुनले संघको वार्षिक प्रतिवेदन प्रस्तुत गरेका थिए ।
