गुल्मी क्षेत्र न २ सहित दुवै प्रदेशमा एमाले विजयी भएको छ। एमालेका गोकर्ण विष्टले २८५८५ मत प्राप्त गर्दै विजयी भएका हुन् । त्यस्तै गठबन्धनकी रामकुमारी झाँक्रीले २६४४१ मत प्राप्त गरेकी हुन् ।
त्यस्तै गुल्मी क्षेत्र न २ क मा एमालेका डिल्लीराज भुसाल विजयी भएका छन् । भुसालले १४१३० मत प्राप्त गर्दै गठबन्धनका उम्मेदवार भुवन प्रसाद श्रेष्ठलाई पराजित गरेका छन् । श्रेष्ठले १३८८० प्राप्त गरेका छन् । भुसालले ०७४ मा रेसुङा नगरको मेयरमा पनि पराजित गरेका थिए । त्यस्तै गुल्मी क्षेत्र न २ ख मा एमालेका दिनेश पन्थी विजयी भएका छन् । उनले गठबन्धनका उम्मेदवार बुद्धि जिसीलाई पराजित गरेका हुन् । पन्थीले १३९२९ र जिसिले १३८१९ मत प्राप्त गरेका छन् ।
उनीहरू पुराना सहकर्मी हुन् । पन्थी ०७४ को निर्वाचनमा पनि लुम्बिनी प्रदेश सभा सदस्यमा निर्वाचित भएका थिए । यस्तै एकीकृत समाजवादी गुल्मीका अध्यक्ष श्रीराम महतले निर्वाचनमा आफ्नो उम्मेदवार झाँक्री पराजित भएपछि पदबाट राजीनामा दिएका छन् ।
