हेटौंडा । मकवानपुर क्षेत्र नम्बर १ को प्रदेशसभातर्फ ख मा नेकपा एमालेका उम्मेदवार एकालाल श्रेष्ठले पुनः अग्रता कायम गरेका छन् । पछिल्लो मतपरिणाम अनुसार एमालेका एकालालले ६ हजार ३९६ मतसहित अग्रता बढाएका छन् । उनलाई राप्रपाका उम्मेदवार गुञ्जनबहादुर न्यौपानले ६ हजार ९१ मतसहित पछ्याइरहेका छन् । यसैगरी सोही क्षेत्रमा नेपाली कांग्रेसका उम्मेदवार आनन्दराम पराजुलीले ५ हजार ५३९ मतसहित एकालाल र गुञ्जनलाई पछ्याइरहेका छन् । जारी मतगणनामा यहाँ हालसम्म २० हजार ५३३ मतगणना भएको छ ।
