मकवानपुर । मकवानपुर प्रहरीले हेटौंटाबाट तीन जनालाई पक्राउ गरेको छ । प्रहरीले हेटौडा –५ सानोपोखराबाट खैरो हेरोईन सहित तीन जना युवकलाई पकाउ गरेको हो ।
पक्राउ पर्नेमा हेटौंडा–१४ मयुरधाप बस्ने २८ वर्षीय रोबिन श्रेष्ठ, हेटौंडा–११ थानाभर्याङ बस्ने २५ वर्षीय अनिष चौलागाईं र हेटौंडा–२ कान्तिराज पथ बस्ने २३ वर्षीय बिकाश कार्की रहेको जिल्ला प्रहरी कार्यालय मकवानपुरका प्रहरी नायव उपरीक्षक टेक बहादुर कार्कीले जानकारी दिनुभयो । बिशेष सुचनाको आधारमा ना.४८ प.९००५ नम्बरको मोटरसाइलक रोकेर चेकजाँच गर्दा उनीहरुको साथबाट खैरो हेरोईन १ ग्राम ४६० मिलि ग्राम र सानो डिजिटल तराजु १ थान बरामद गरिएको कार्कीले बताउनुभयो । तिनै जनालाई नियन्त्रणमा लिएर आवश्यक कारवाही प्रक्रिया अगाडि बढाईएको उहाँले बताउनुभयो ।
