मकवानपुर – मकवानपुर प्रहरीले १५८ बोतल लागुऔषध वीनरेक्ससहित मंगलबार दुईजनालाई नियन्त्रणमा लिएको छ । प्रहरीले हेटौंडा–१, स्थित जरुवाटोलबाट लागूऔषधसहित २ जनालाई नियन्त्रणमा लिएको हो ।
जिल्ला प्रहरी कार्यालय मकवानपुरबाट खटिएको प्रहरीको गस्ती टोलीले सर्लाही जिल्लाबाट आएको बा.१८ च ६६०६ नम्बरको स्कारपियोसँगै प्रदेश–३–०२–००६ प ८०४१ नम्बरको स्कुटीको सुरक्षा जाँच गर्दा लागूऔषध वीनरेक्स फेला पारेको हो । स्कुटी रोकी बसेको अबस्थामा सामान झारेको देखेपछी गस्ती टोलीले शंका लागी ब्याग खोली हेर्दा ब्याग भित्र १५८ बोतल लागूऔषध वीनरेक्स फेला परेको जिल्ला प्रहरीले जनाएको छ । प्रहरीले दुबै सवारी, स्कारपियो चालक सर्लाही बरहथवा नगरपालिका–१६ बस्ने अन्दाजी २६ वर्षीयको पप्पु कुमार कुशहवा र सोही स्थानमा उभी रहेका हेटौंडा–१ चौकीटोल बस्ने अन्दाजी १९ वर्षीया निकेश पुडासैनीलाई नियन्त्रणमा लिएको छ । सवारीसहित कुशहवा र पुडासैनीलाई आवश्यक अनुसन्धान तथा सोधपुछको लागी जिल्ला प्रहरी कार्यालय मकवानपुर ल्याईएको छ । भने, स्कुटी चालक फरार रहेको र उनको खोज तलास जारी रहेको प्रहरीले जनाएको छ ।
