मकवानपुर – मकवानपुरको रमणिय र पर्यटकिय क्षेत्र थाहा नगरपालिका स्थित “उनिउँ चौर” साच्चिै घुम्नै पर्ने र मनमोहक छ । थाहा नगरपालिका–७, आग्रा स्थित नयाँ पर्यटकिय गन्तव्य हो उनिउँ चौर ।
थाहा नगरपालिका वडा नम्बर ७ र ८ मा पर्ने आग्रा ! यस ठाउँको नाम लिने वित्तिकै मानिसहरु भारतको आग्रा सम्झन्छन् । तर यो भारतको नभई नेपालको आग्रा हो । ठुलो चौरको बिचमा बसेर निलो आकाश र लुकामारी गर्दै गरेका बादलका फुर्काहरु हेर्दै आनन्द लिनुको मजा नै बेग्लै हुन्छ, आग्राको उनिउँ चौरमा । टाढाबाट झट्ट हेर्दा हरियो तन्ना सुकाए झैं देखिने यो चौरमा पर्यटकहरु पुगेपछि निकै मोहित हुन्छन् ।
नयाँ पर्यटकिय गन्तव्य उनिउँ चौरमा पुग्न बागमती प्रदेशको राजधानी हेटौंडा बाट ६५ किमि दुरिमा बाइरोडको नागबेलि रोडलाई पार गर्दै सिम्भञ्ज्याङको चिसो सिरेटोलाई अनुभूति गर्दै दामन हुदै पालुङ्ग पुगिन्छ र पालुङ्गबाट ९ किमि दुरिमा सुन्दर जंगलहरुको बिचबाट आफुलाई प्रकृतिको काखमा रुमलिदै आग्राको मनमोहक उनिउँ चौर पुग्न सकिन्छ । भने, काठमाडौंबाट बाइरोडको बाटो हुँदै नौबिसेबाट सुन्दर दृश्यहरु नियाल्दै पालुङ सम्म ६५ कि.मि.मा पुग्न सकिन्छ र पालुङबाट ९ किमि दुरिमा रहेको छ । साच्चै एक पटक पुग्ने पर्ने ठाउँ हो उनिउँ चौर ।
फाेटाेः गणेश बिष्ट
