मकवानपुर – स्थानीय तह निर्वाचन अन्तरगत हेटौंडा उपमहानगरपालिकाको मतगणना जारी रहेको छ । जारी मतगणना अन्तरगत वडा १, २, १८ र १९ को मतगणना जारी रहेको छ । १२५० मतगणनामा गठबन्धन भन्दा एमाले १८ मतले पछि रहेको छ ।
प्रारम्भिक मतपरिणाम अनुसार मेयरमा गठबन्धनकी उम्मेदवार मीनाकुमारी लामाले ३ सय ८८ मत प्राप्त गर्नुभएको छ । यस्तै, नेकपा एमालेका उम्मेदवार अनन्त प्रसाद पौडेलले ३ सय ७० र राष्ट्रिय प्रजातन्त्र पार्टी (राप्रपा) का उम्मेदवार दीपकबहादुर सिंहले ३ सय ४२ मत प्राप्त गर्नुभएको छ ।
त्यस्तै, उपमेयरमा गठबन्धनका उम्मेदवार राजेश बानियाँ अगाडि हुनुहुन्छ । उहाँले ५ सय ७५ मत प्राप्त गर्दा एमाले उम्मेदवार सुमित्रा काफ्लेले ४ सय ८ मत प्राप्त गर्नुभएको छ । भने, राप्रपाकी उम्मेदवार ईन्दिरा डल्लाकोटीले ८८ मत प्राप्त गर्नुभएको छ । हेटौंडा उपमहानगरपालिका वडा नम्बर २ स्थित सिद्धार्थ माध्यामिक विद्यालयमा शनिबार बिहानदेखि मतगणना जारी छ । हेटौँडामा कूल एक लाख चार हजार ४७३ मतदाता रहेकामा ७३ हजार ४१४ जनाको मत खसेको छ ।
