हेटौंडा – सोनाम ल्होसारको पूर्व संध्यामा टासी छोइलिङ्ग बौद्ध दर्शन गुम्बा हेटौंडा –१३ मा सरसफाई कार्यक्रम मंगलबार सम्पन्न भएको छ । सामुदायिक सेवा केन्द्र मकवानपुर तथा सामुदायिक प्रहरी सेवा केन्द्र हेटौडा पशुपतिनगरको अगुवाइमा शसस्त्र प्रहरी बल १४ नम्बर गण, ईलाका प्रहरी कार्यालय पशुपतिनगर तथा स्थानीयको उपस्थितिमा सरसफाई गरिएको हो ।
सामुदायिक सेवा केन्द्र मकवानपुरका अध्यक्ष राम विष्टको नेतृत्वमा भएको कार्यक्रममा टासी छोइलिङ्ग गुम्बा दर्शनकी अध्यक्ष लक्ष्मीमाया थिङ्ग, शसस्त्र प्रहरी बल १४ नम्बर गणका प्रहरी निरिक्षक सुमन बिक, ईलाका प्रहरी कार्यालयका प्रहरी सहायक निरिक्षक उद्विप आयु, केन्द्रका कोषाध्यक्ष राम प्रसाद कोइराला, सदस्य कपिल अर्याल, अच्युतराज मिश्र लगाएतको उपस्थिति रहेको सचिवालय सदस्य नबराज कोईरालाले जानकारी दिनुभयो ।
