हेटौँडा – नेकपा एमाले भीमफेदी गाउँपालिका वडा नम्बर ६ को अध्यक्षमा सनत कुमार घिसिङ चयन हुनुभएको छ । आज भीमफेदी ६ मा भएको अधिवेशनले घिसिङको अध्यक्षतामा ३१ सदस्यीय वडा कमिटि गठन गरेको हो । कमिटिको उपाध्यक्षमा पम्फा योञ्जन, सचिवमा बिनोदकुमार राना उपसचिवहरुमा संजय लामा र सिता लामा चयन हुनुभएको छ । वडा अधिवेशनमा निर्वाचित कमिटिलाई एमाले मकवानपुरकी सदस्य तथा भीमफेदी गाउँपालिका उपाध्यक्ष पार्वती रानाले सपथप्रहण गराउनुभएको थियो ।
