काठमाडौँ – राष्ट्रपति विद्यादेवी भण्डारीले जापानको राजधानी टोकियोमा आयोजना हुने ३२ औँ गृष्मकालिन ओलम्पिक खेलमा सहभागी हुने नेपाली खेलाडी, प्रशिक्षक र व्यवस्थापकहरूलाई आज बिदाइ भेट गर्नुभएको छ । राष्ट्रपति भवन शीतल निवासमा आज आयोजित एक समारोहमा राष्ट्रपति भण्डारीले ३२औँ गृष्मकालिन ओलम्पिक खेलमा खेलाडी, प्रशिक्षक र व्यवस्थापकहरूलाई सफलताको शुभकामना दिँदै बिदाइ भेट गर्नुभएको राष्ट्रपति कार्यालयका सहायक प्रवक्ता केशव प्रसाद घिमिरेद्वारा जारी विज्ञप्तिमा जनाइएको छ ।
