हेटौंडा – मकवानपुर प्रहरीले विभिन्न स्थानबाट मोटरसाईकल चोरी गर्ने तीन जनालाई पक्राउ गरेको छ । पक्राउ पर्नेमा मनहरी गाउँपालिका वडा नंम्बर ४ बस्ने २९ वर्षीय प्रेम राई, राक्सिराङ गाउँपालिका वडा नम्बर ३ बस्ने २१ वर्षीय प्रकाश थिङ र चितवन भरतपुर महानगरपालिका वडा नम्बर ११ बस्ने २१ वर्षीय विजय बोहरा रहेका छन् ।
प्रहरीका अनुसार राई र थिङले फागुन २४ गते हेटौडा उपमहानगरपालिका वडा नम्बर १८ बस्ने २९ वर्यीय जगदिश ढुङ्गानाको बा ८० प ५०४५ नम्बरको पल्सर मोटरसाईकल हेटौंडा–४ हुप्राचौरस्थित सडक छेउमा पार्कीङ गरी राखेको ठाउँबाट चोरी गेरेका थिए । उनीहरुलाई मोटरसाइकल चोरी भएकै दिन सोहि स्थानबाट मोटरसाइकल सहित पक्राउ गरिएको जिल्ला प्रहरी कार्यालय मकवानपुरका प्रवक्ता एवम् प्रहरी नायव उपरीक्षक जयश्वर रिमालले जानकारी दिनुभयो । यस्तै फाुगन २३ गते मनहरी गाउँपालिका वडा नम्बर ९ बस्ने २५ वर्षीय सरोज कुमार श्रेष्ठको ना ४८ प २५७५ नम्बरको पल्सर मोटरसाईकल हेटौंडा–२ चौकिटोल स्थित सडक छेउमा पार्किङ गरी राखेको ठाउँबाट चोरी भएको थियो । खोजतलास गर्ने क्रममा जिल्ला प्रहरी कार्यालय मकवानपुरबाट खटिएको विशेष टोलिले फागुन २५ गते भरतपुर महानगरपालिक– ११ बाट मोटरसाइलक सहित बोहरालाई पक्राउ गरी हेटौंडा ल्याइएको प्रवक्ता रिमाले जानकारी दिनुभयो ।
पक्राउ परेका तीनै जनामाथि थप अनुसन्धान भईरहेको प्रवक्ता रिजालले बताए ।
