हेटौंडा– मकवानपुरका प्रहरी प्रमुख प्रहरी उरिक्षक सोमेन्द्र सिंह राठौडले हेटौंडा उपमहानगरपालिका–९ स्थित सिआन पुर्नस्थापना केन्द्रको अवलोकन गर्नुभएको छ । मंगलबार प्रहरीप्रमुख राठौरले हाल सञ्चालित पुर्नस्थापना केन्द्रसंगै निर्माणाधिन केन्द्रको समेत अवलोकन गर्नुभएको हो ।
पुर्नस्थापना केन्द्रको अवलोकन गर्नुहुँदै प्रहरी प्रमुख राठौंरले लागु औषध नियन्त्रणका लागि सबैको सहयोग आवश्यक पर्ने बताउनुभयो । उहाँले लागु औषध नियन्त्रणका क्षेत्रमा सियान पुर्नस्थापना केन्द्रले गरेका कामको प्रशंसा समेत गर्नुभयो । उहाँले सबैको सहयोगमा मात्र लागु औषध न्युनिकरण गर्न सकिने भन्दै लागुऔषध विरुद्धको अभियानमा सबैसँग सहकार्य गर्ने बताउनु भएको छ । प्रहरी र समुदायमा आधारित संस्थाको सहकार्य हुँदा असल समाज निर्माणमा थप आयाम थपिने उहाँको भनाई थियो ।
