हेटौंडा- नेपाल कम्युनिष्ट पार्टी (नेकपा)का सचिवालय सदस्य एबम् सरकारका उपप्रधानमन्त्री ईश्वर पोख्रेल हेटौंडा आउनुहुने भएको छ । नेकपा मकवानपुरको आयोजनामा हुन लागेको अगुवा कार्यकर्ता भेलालाई सम्बोधन गर्न पोख्रेल पुस २५ गते (भोली) हेटौंडा आउन लाग्नुभएको हो ।
बर्तमान राजनितिमा भईरहेको घटनाक्रमका बारेमा सचेत गराउन उहाँ हेटौंडा आउन लाग्नुभएको हो । नेकपामा छुट्टै प्रभाब बनाउनुभएका नेता पोख्रेल हेटौंडा आउने भएपछि कार्यकर्तामा थप उत्साह पनि थपिएको छ । भोलीको कार्यक्रम नेकपा अध्यक्ष एबम् प्रधानमन्त्री केपी शर्मा ओलीका बिरुद्ध प्रचण्ड माधब समूहले फैलाएको भ्रम चिर्ने अभियान हुने नेकपा मकवानपुरले जनाएको छ । कार्यक्रममा नेता पोख्रेलसहित नेकपा बागमती प्रदेश सहईन्चार्ज तथा केन्द्रिय सदस्य काशीनाथ अधिकारी, केन्द्रिय सदस्य एबम् बागमती प्रदेशका मुख्यमन्त्री डोरमणि पौडेलसहितका नेताहरुले सम्बोधन गर्नुहुुुने नेकपा मकवानपुरका सहईन्चार्ज रामेश्वर रानाले जानकारी दिनुभयो ।
