दक्षिण भारतीय तथा हिन्दी चलचित्रका चर्चित गायक एसपी बालासुव्रमण्यमको निधन भएको छ । उनको ७४ बर्षको उमेरमा आज चेन्नइको अस्पतालमा निधन भएको हो । जतिबेला नायक सलमान खानले बलिउडमा पाइला राख्दै थिए, सो समयमा सलमानको चलचित्रमा बालासुब्रमण्यमको स्वर सुन्न पाइन्थ्यो ।‘मैने प्यार किया, साजन, हम आप के हे कौन’ लगायतका चलचित्रमा उनले सलमानका लागि स्वर दिएका छन् । उनले नायक साहरुख खान अभिनित चलचित्र ‘चेन्नई एक्सप्रेस’को शिर्ष गीतमा पनि आवाज दिएका थिए ।
