हेटाैंडा– नेपालमा कोरोना भाइरसको सङ्क्रमणका कारण आज थप नौ जनाको मृत्यु भएको छ । योसँगै कोरोना भाइरसको सङ्क्रमणबाट मृत्यु हुनेको कुल सङ्ख्या दुई सय ८० पुगेको छ ।
स्वास्थ्य तथा जनसङ्ख्या मन्त्रालयको आजको नियमित प्रेस व्रिफिङ्मा मन्त्रालयका प्रवक्ता प्रा.डा. जागेश्वर गौतमले तीन जना महिला र छ जना पुरुषको मृत्यु भएको जानकारी दिनुभयो । कोरोना सङक्रमणबाट मृत्यु हुनेहरुमा मकवानपुरकी ५२ बर्षीया महिला, नवलपरासीकी ३७ बर्षीया महिला, मोरङकी ४३ बर्षीया महिलाको मृत्यु भएको हो भने रुपन्देहीका ४० बर्षीय पुरुष, पर्साका ७५ बर्षीय पुरुष, महोत्तरीका ७८ बर्षीय पुरुष, काठमाडौंका ४१, ५९ र ६५ बर्षीय पुरुषको मृत्यु भएको भएकोे मन्त्रालयका प्रवक्ता प्रा.डा. गौतमले जानकारी दिनुभयो ।
