मकवानपुर – मकवानपुर प्रहरीले बुधबार ६४० लिटर अबैध घरेलु मदिरा बरामद गरेर नष्ट गरेको छ । बुधबार बिहान अस्थाइ प्रहरी पोष्ट थानार्भयाङबाट खटिएको प्रहरी टोलीले बरामद गरेको अबैध घरेलु मदिरा प्रहरीले नष्ट गरेको हो ।
पूर्व पश्चिम राजमार्ग अन्तरगत हेटौंडा–११ थानार्भयाङमा ना १ ज ७५५८ र ना १ ज २५७९ नम्बरको म्याजिकमा लुकाई छिपाई हेटौडातर्फ ल्याउँदै गरेको अवस्थामा २५ वटा ग्यालिनमा अन्दाजी ६४० लिटर अबैध घरेलु मदिरा बरामद गरेको हो । बरामद गरिएको मदिरा जिल्ला प्रहरी कार्यालय मकवानपुरमा ल्याएर स्थानिय जनप्रतिनिधीलगायतको उपस्थितिमा नष्ट गरीएको जिप्रका.मकवानपुरका सुचना अधिकारी प्रहरी निरिक्षक सुजन पाठकले जानकारी दिनुभयो ।
