मकवानपुर– मकवानपुरकाे भीमफेदी गाउँपालिकाको विभिन्न स्थानमा वैदेशिक राेजगारीबाट फर्किएकाहरूकाे ¥यापिड टेष्ट भएको छ । गाउँपालिकाको अघोर, भैसें र प्राथमिक स्वास्थ्य केन्द्र भीमफेदीमा १३ जनाकाे ¥यापिड टेष्ट भएको हो ।
टेष्ट गरिएका सबैकाे रिपाेर्ट नेगेटिभ आएकाे प्राथमिक स्वास्थ्य केन्द्र भीमफेदीका प्रमुख डा. प्रविण पाठकले जानकारी दिनुभएकाे छ । विहिबार र शुक्रबार गरी १३ जनाको ¥यापिड टेष्ट भएको र सबैकाे रिपाेर्ट नेगेटिभ भेटिएकाे उहाँले बताउनुभयाे । अघोरमा ४, भैसेमा २ र स्वास्थ्य केन्द्रमा ७ गरी १३ जनाको टेष्ट भएकोमा सबैको रिपोर्ट नेगेटिभ पाईएको पाठकले बताउनुभयाे ।
भीमफेदी गाउपालिका भित्र बिदेशवाट फर्कनु भएकाहरुलाई टोलटोल मै गएर RDT परिक्षण गर्दा सबैको रिपोर्ट नेगेटिभ आएको गाउँपालिका अध्यक्ष हिदम लामाले बताउनुभयाे । भीमफेदीमा चैत्र १ गते पछि वैदेशिक राेजगारीबाट फर्किएकाहरूकाे संख्या १९ जना रहेका छन् ।
