मकवानपुर– मकवानपुरमा मोटरसाईकल दुर्घटनामा परि एक जनाको ज्यान गएको छ । गए राति पुर्व पश्चिम राजमार्ग अन्तर्गत हेटौंडा–४ स्थित मेन रोडमा भएको मोटरसाइकल दुर्घटना हेटौंडा–१८ हर्नामाडिका एक युवकको मृत्यु भएको जिल्ला प्रहरी कार्यालय मकवानपुरले जनाएको छ ।
हेटौंडा–९ पशुपतिनगरबाट बुद्धचोक तर्फ आउदै गरेको ना २७ प ८४२९ नम्बरको मोटरसाइकल हेटौंडा–४ स्थित शिबबुबा पेट्रोल पम्प आगाडि रोकिराखेको ना २ ख ९३३६ नम्बरको ट्रकसंग ठोक्किदा साविकको हर्नामाडि–२ का ३१ वर्षीय भिम अर्यालको घटनास्थलमै मुत्यु भएको जिल्ला प्रहरी कार्यालय मकवानपुरका प्रहरी उपरिक्षक सुशिल सिंह राठौरले जानकारी दिनुभयो । तिव्र गतिमा आएको मोटरसाइकल अनियन्त्रित भई ट्रकसँग ठक्कर खाँदा दुर्घटना भएको प्रहरी उपरिक्षक राठौरले जानकारी दिनुभएको छ ।
