हेटौंडा । नेकपा (एमाले) ले लोकातान्त्रिक गणतन्त्रको पक्षमा जनमत सिर्जना गर्न आज देशैभरी सचेतना अभियान सञ्चालन गरेको छ । देशभरका सबै वडामा एकसाथ लोकतान्त्रिक गणतन्त्रका पक्षमा जनमत सिर्जना गर्न देशव्यापी सचेतना अभियान चलाउने घोषणा गरे अनुरुप आज हेटौंडा ९ नम्बर वडामा पनि जनजागरण कार्यक्रम आयोजना गरेको छ ।
एमाले हेटौंडा–९ का अध्यक्ष वासुदव प्याकुरेलको अध्यक्षतामा भएको कार्यक्रममा एमाले बागमती प्रदेश सचिवालय सदस्य रघुनाथ खुलालको प्रमुख आतिथ्यता रहेको थियो । कार्यक्रममा बोल्दै प्रमुख अतिथि खुलालले मुलुकमा हाल भइरहेका अलोकतान्त्रिक गतिविधि विरुद्ध जनतालाई सचेत गराउनका लागि अभियान सञ्चालन गरिएको बताउनुभयो । उहाँले जनताले पाएको अधिकारलाई संरक्षण गर्नु अभियानको मुख्य उदेश्य रहेको बताउनुभयो । उहाँले लोकतान्त्रिक पद्धतिमा बिकास र समृद्धि सम्भाव रहेको भन्दै हल्लाको पछाडि नलाग्न आग्रह गर्नुभयो । शासन प्रणाली, विकास र समृद्धिका लागि यो भन्दा उत्तम व्यवस्था अर्को हुन नसक्ने उहाँको भनाई थियो । उहाँले सबैको चाहना देश र जनताको उन्नती र प्रगती भएको भन्दै त्यसका लागि सबैको योगदान जरुरी रहेको समेत बताउनुभयो ।
प्रमुख अतिथि खुलालले जनतालाइ हिजो दुख कष्ट दिनेहरु आज जनताको वलिदानबाटै प्राप्त अधिकारका कारण बोलिरहेको भन्दै हिजोको अस्थिरताको जनानी तथा काण्डै काण्डले भरिएको निकाय नै राजसंस्था रहेको बताउनुभयो । उहाँले जनताले प्राप्त गरेको जनताको अधिकार खोसिने कुरा जनताले कुनै हालतमा नमान्ने भन्दै लोकतान्त्रिक गणतन्त्र, समावेशी प्रणाली र सामाजिक न्याय जस्ता उपलब्धिको रक्षाका लागि दृढतापूर्वक उभिन सबैैमा आग्रह गर्नुभयो । कार्यक्रममा एमाले बागमती प्रदेश सदस्य रामचन्द्र राई, रामचन्द्र अर्याल, नगर कमिटी अध्यक्ष बोलबहादुर कार्कीलगायत जिल्ला सदस्यहरु, नगर सदस्यहरु वडासदस्यहरुको उपस्थिती थियो । जनजागरण कार्यक्रम सुरु हुनु पूर्व मोटरसाईकल ¥याली सहित वडा परिक्रममा गरिएको थियो । साेहि अवसरमा हेटाैंडा ९ का टाेल कमिटीमा निर्वाचित अध्यक्षहरूलाइ बधाइ समेत व्यक्त गरिएकाे थियाे ।
