नेपाली काँग्रेसको पदाधिकारी बैठक बस्ने भएको छ । पछिल्लो राजनीतिक घटनाक्रमको समीक्षा गर्दै पार्टीले लिने रणनीतिका बारेमा छलफल गर्न बैठक बस्ने भएको हाे । पार्टीका सभापति एवं पूर्व प्रधानमन्त्री शेरबहादुर देउवा निवास बुढानीलकण्ठमा बिहान ९ बजे बैठक बस्न लागेको सहमहामन्त्री बद्रीप्रसाद पाण्डेले जानकारी दिनुभयो । उहाँले बैठकमा पछिल्लो राजनीतिक घटनाक्रमको समीक्षा गर्दै पार्टीले लिने रणनीतिका बारेमा छलफल हुने बताउनुभयो ।