हेटौंडा – मकवानपुरमा कारको ठक्करबाट एक बालकको मृत्यु भएको छ । मकवानपुरको बकैया गाउँपालिका–४ गोठखोलामा कारको ठक्करबाट साइकलमा सवार एक बालकको मृत्यु भएको हाे ।
मृत्यु हुनेमा स्थानीय ११ बर्षीय निशान बानियाँ रहेकाे प्रहरीले जनाएकाे छ । धरान–चौतरा सडक खण्डमा हात्तिसुडेबाट गरगरेतर्फ आउदै गरेको प्रदेश ३–०१–०२४ च १७९६ नम्बरको कारले गरगरेबाट हात्तिसुडेतर्फ जादै गरेको साईकलयात्री निशानलाई ठक्कर दिदा उनी गम्भीर घाइते भएका थिए ।खुट्टा भाच्चिएको, टाउकोमा चोट लागेर गम्भीर घाइते भएका उनलाई उपचारको लागि हेटौंडा अस्पताल ल्याईएको थियो । उनको उपचारको क्रममा सोमबार दिउँसो हेटौंडा अस्पतालमै मृत्यु भएको बागमती प्रदेश प्रहरी कार्यालय हेटौंडाले जनाएको छ । कार र कार चालकलाई प्रहरीले नियन्त्रणमा लिएको जनाएको छ ।
