मकवानपुर । मकवानपुरमा सवारी दुर्घटना हुँदा दुई जनाको मृत्यु भएकाे छ । मकवानपुरको मनहरी गाउँपालिका–७ ज्यामिरेमा माेटरसाइकल दुर्घटना हुँदा दुई जनाकाे मृत्यु भएकाे जिल्ला प्रहरी कार्यालय मकवानपुरले जनाएकाे छ ।
चितवनबाट हेटौँडातर्फ आउँदै गरेको ना५७प २३१ नम्बरको मोटरसाइकल मनहरी गाउँपालिका–९ ज्यामिरेमा सडकमा रोकी राखेको ना५ख ७४७२ नम्बरको ट्रकमा ठोक्किँदा मनहरी–९ का २२ वर्षीय शम्भु गिरी र २१ वर्षीय सुशील गिरीकाे ज्यान गएकाे मकवानपुरका प्रहरी नायब उपरीक्षक टेकबहादुर कार्कीले जानकारी दिनुभयो । दुर्घटनामा परि गम्भीर घाइते भएका उनीहरुकाे पुरानो मेडिकल कलेज भरतपुर चितवनमा उपचारका क्रममा ज्यान गएकाे हाे । प्रहरीले ट्रक र ट्रक चालकलाई नियन्त्रणमा लिई घटनाको बारेमा आवश्यक अनुसन्धान गरिरहेको जनाइएको छ ।
